Die Toyota Vrystaat Cheetahs sê op Saterdag 19 Oktober die Sharks die stryd aan vir ‘n plek in die finaal van die 2013 Absa Curriebeker.  Die wedstryd skop om 17:00 in Durban af.

Rayno Benjamin word vervang deur Riaan Smit, met Ryno Benjamin wat afskuiwe na die plaasvervangersbank.

Elgar Watts begin as losskakel maar Johan Goosen is op die bank en vroeë aanduidings is dat Johan Goosen vir die hele 2de halfte sal diens doen.

Beide die Vrystaat Cheetahs en Die Sharks speel al hul beskikbare Springbokke en ‘n hewige stryd word in Durban verwag.

• Dit is die 19de keer dat die Vrystaat sedert 1954 in ‘n Curriebeker-halfeindstryd speel. Hiervan was die Cheetahs in 8 baas, terwyl 10 verloor is.
• Dit is die negende keer sedert 1984 dat die Vrystaat en Natal in ‘n halfeindstryd betrokke is. Van die vorige 8 halfeindstryde tussen die twee spanne, het die Toyota Vrystaat Cheetahs 3 gewen en die Haaie 5.
• Uitslae van vorige halfeindstryde tussen die Haaie en die Toyota Vrystaat Cheetahs is: 1984 – KZN 26-15; 1996 – KZN 35-20; 1997 – VS 40-22; 1999 – KZN 45-8; 2000 – KZN 29-15; 2006 – VS 30-14; 2009 – VS 23-21; 2011 – KZN 20-13.

Vrystaat Cheetahs: 15 Hennie Daniller, 14 Riaan Smit, 13 Johann Sadie, 12 Robert Ebersohn, 11 Raymond Rhule, 10 Elgar Watts, 9 Sarel Pretorius, 8 Philip van der Walt, 7 Pieter Labuschagne, 6 Boom Prinsloo, 5 Lodewyk De Jager, 4 Francois Uys, 3 Trevor Nyakane, 2 Adriaan Strauss (Kaptein), 1 Coenie Oosthuizen.
Plaasvervangers: 16 Hercu Liebenberg, 17 Schalk van der Merwe, 18 Teboho Mohoje, 19 Freddy Ngoza, 20 Piet van Zyl, 21 Johan Goosen, 22 Ryno Benjamin.

Datum: Saterdag 19 October 2013
Plek: Kings Park, Durban
Afskop: 17:00 SA Time (15:00 GMT)
Skeidsregter: Marius van der Westhuizen
Assistent Skeidsregters: Rasta Rasivhenge, Cobus Wessels
TWB: Deon van Blommestein